ପ୍ରଭୁ ତୁମେ ମୋ ପଥ

ଦିନ ଯାଉଛି, ରାତି ଯାଉଛି,
ସମୟ ସରି ଯାଉଛି ଶାନ୍ତ ଭାବେ
ମୋ ହୃଦୟ ଭିତରେ ନୀରବ ଆକୁଳତା,
ତୁମ ପାଇଁ ଜାଗୁଛି ଅଜଣା ତୀବ୍ର ଭାବେ।
ପ୍ରଭୁ , ମୁଁ ହାରିଗଲି ନିଜେ,
ମୋ ଅଭିମାନେ ଢାକିଦେଲି ତୁମ ମୁହେଁ ।
ଆଜି ମୁଁ ଆସିଛି ନମ୍ର ହୃଦୟ ନେଇ,
ତୁମ ଚରଣେ ମୋ ଆତ୍ମା ଦେଉଛି ରଖି।
ମୋ ଚେତନା ଯେ ଆଜି ଧୂଳିସାତ,
ତାହାକୁ ତୁମ ଦୟାରେ ପବିତ୍ର କର।
ତୁମ ନାମ ହେଉ ମୋ ଜୀବନ ସ୍ପନ୍ଦନ,
ତୁମ ସ୍ମିତହସ ହେଉ ମୋ ଅନ୍ତିମ ଦିଗନ୍ତ।
ମୁଁ ଖୋଜୁନି ଆଉ ଜଗତର ଆଡମ୍ବର,
ମୁଁ ଚାହେଁ କେବଳ ତୁମ ସ୍ନେହ ଅନୁଭବ।
ତୁମେ ହୁଅ ମୋ ଅନ୍ତରର ଆଲୋକ,
ମୋ ଅନ୍ଧକାରେ ତୁମେ ହୁଅ ପ୍ରଭାତର ଆସ୍ଥା।
ପଦେ ପଦେ ଯେବେ ମୋ ଶକ୍ତି ହାରେ,
ତୁମ ନାମ ମୋ ଶ୍ୱାସେ ଜଗାଇଦିଅ।
ମୋ ଚିତ୍ତ ଯେବେ ଭାସିଯାଏ ମାୟାରେ,
ତୁମ ଆଲିଙ୍ଗନେ ତାହାକୁ ଫେରାଇଦିଅ।
ପ୍ରଭୁ ତୁମେ ମୋର , ମୁଁ କିଛି ନୁହଁ —
ତୁମ ଦୟା ହେଉ ମୋ ସବୁ ସମ୍ପଦ।
ମୁଁ ତୁମେ, ତୁମେ ମୁଁ —
ଏଇ ସତ୍ୟ ହେଉ ମୋ ଶେଷ ନିଶ୍ୱାସ।
ତୁମେ ହୁଅ ମୋ ଜୀବନର ସତ୍ୟ।
ମୁଁ ଯେତେ ଖାଲି, ତୁମେ ସେତେ ପୂର୍ଣ୍ଣ,
ତୁମେ ହୁଅ ମୋ ଅନ୍ତ, ମୋ ଆରମ୍ଭ।
ଓଁ ଶାନ୍ତିଃ ଶାନ୍ତିଃ ଶାନ୍ତିଃ।

ମଲ୍ଲୀପୁର, ନିଆଳ
ଖୋର୍ଦ୍ଧା
9439011063