Written by ଖୋଜୁଛି ବୋଲି ମୁଁ ଅନ୍ତରେ ମୋହର
କାହାକୁ ମୁଁ କହି ପାରେନା
ଅପେକ୍ଷା ଭିତରେ ଅପେକ୍ଷା ସରୁଛି
ସେବୁ ତୁମେ ଆଉ ଆସନା
କେତେ ବି ଆସନ୍ତି କେତେ ବି ଯାଆନ୍ତି
ବେପାର ପସରା ମେଲିଛି
ସବୁ ଆପଣାର ଗରାଖ ଇଶ୍ଵର
ତାଙ୍କୁ ମୁଁ ବିଶ୍ଵାସେ ନେଇଛି
ମୂଲ ଚାଲ କରି ଗରାଖ ପିଅନ୍ତି
ଲାଭ କ୍ଷତି କେବେ ଭାବିନି
ଯେତିକି ମିଳିଲା ସେତିକିରେ ଖୁସି
ମନ ଉଣା କେବେ କରିନି
ଭାବେ ସେ ଗରାଖ ଘୋଡ଼ା ଝପଟେଇ
ଏଇ ବାଟ ଦେଇ ଆସିବେ
ଚାହିଁ ମୁଁ ରହିଛି ଆସି ସେ ଅଟକି
ଦହି ଗିନା ହାତୁ ଧରିବେ
ସଜ ଦହି ଆଣେ ନୀତି ତାଙ୍କ ପାଇଁ
ସେ ଦିନୁ ଜଗି ମୁଁ ବସିଛି
ଶୋଷ ମେଣ୍ଟେଇବି ହାତେ ପିଆଇକି
ହାରିନି ବିଶ୍ଵାସ ରଖିଛି
ଆସିବତ ତୁମେ ନିଶ୍ଚୟ ତ ଦିନେ
ଦିଅଁକୁ ଦୁଆ ମୁଁ କରିଛି
ଦହି ପିଆଇବି ମୋ ଆଡୁ ମୁଁ ଡାକି
ଶୋଷ ମେଣ୍ଟାଇବି ଭାବିଛି
ମୂଲ ବଦଳରେ ମୁଦ୍ରିକାକୁ ଦେଲେ
ନଛାଡ଼ିବି ଆଉ ହାତକୁ
ବେପାର ଛାଡ଼ିବି ସେଇଠୁ ସେଦିନ
କଥା ଦେଉଛି ମୁଁ ତୁମକୁ ।।
ମଲ୍ଲୀପୁର (ନିଆଳ), ଖୋର୍ଦ୍ଧା
9439011063